இரவோடு இரவாக
திருடனைப் போல
வெனிசுலாவிலிருந்து
அந்த நாட்டின் அதிபரைக்
கடத்திச் செல்கிறது
அமேரிக்கா
சும்மா இருக்கவில்லை
உலகம்
கண்டனம் தெரிவிக்கத்தான் செய்கிறது
நாடு கெடுக்கும்
தன்னுடைய
உளவு அமைப்பின் மூலம்
ஈரானில்
உள்நாட்டுக் கலவரத்தை
உருவாக்கி விடுகிறது
அமெரிக்கா
அது போதாதென்று
அமெரிக்க முதலாளி
தன்னுடைய
இணைய சேவையை
இலவசமாகக் கொடுத்து
ஆட்சிக் கவிழ்ப்பை நிகழ்த்த
அவசரப்படுகிறான்
உலகம்
கண்டனம் தெரிவிக்காமல் இல்லை
ஆனால்
காலம் முழுக்க
எத்தனை போர்கள்
எத்தனை ஆட்சிக்கவிழ்ப்புகள்
எத்தனை படுகொலைகள்
எத்தனை பொருளாதார தடைகள்
எத்தனை மனிதவிரோத செயல்கள்
இத்தனையும்
செய்து கொண்டிருக்கும்
மனிதகுலத்தின் விரோதி
அமெரிக்காவை
என்ன செய்யலாம்
என் அன்புத் தோழர்களே
கண்டனம் தெரிவிக்கலாமா!
ஜோசப் ராஜா
